कोकणातील घरे आणि ....

कोकणातील घरे  आणि त्यामधील निरव , थंड कौलारू शांतता  खासकरून  मध्यान्हाच्या वेळी जाणवणारी अशी ....... ती  भरभरून तृप्ती देते .

जी शांतता कदाचित मंदिरांमध्ये सुद्धा अचानक होणाऱ्या  घंटानादाने दुभंगली जाते . त्यापेक्षा कितीतरी सखोल ,खरतर प्रगाढ अशी शांतता घरात अनुभवायला मिळते . त्या शांततेत अविचल (Motionless)  हि अवस्था काय असते ह्याची  जाणीव झाल्याशिवाय राहत नाही ,किंबहुना ……… 

ती जाणीव संपूर्ण  शरीराचे अस्तित्व व्यापून टाकते , आणि त्यामधून बाहेर आल्यावरसुद्धा जे वातावरण (झाडे , गावातील जेष्ठ  माणसे ,विहीर, दाणे  टिपणाऱ्या कोंबड्या, ताईच्या नारळाच्या झाडाखाली ठेवलेली मोडलेली खुर्ची  )  असते त्यामधील त्याचे पडसाद दिसल्याशिवाय राहत नाही . ४\२\२०१६